كلمات شيلة عابر مشاعر فلاح المسردي

الزوار الكرام نقدم لكم اليوم كلمات اغنية عابر مشاعر فلاح المسردي وتم صدور الاغنية عبر موقع YouTube على قناة فلاح المسردي Falah Almesrdi.

الكلمات:

يجود همّي و استبيحه و الاحيه
واسري على همّي وذابحني الجود !

عابر مشاعر ، وجهته صوب غاليه
من غربة احساسه يفكّر متى يعود ؟
زحمة مشاعر في ضلوعه تخاويه
تقول غازيته على هيئة جنود !

في لندن ، الوحده تبيّح خوافيه
يعبر دروبه والوله ماله حدود
العابر اللي ما لقى من يسلّيه
غير الحروف اللي تلاحي هوى النود

في مفرداته في الشعر في قوآفيه
يغلب على احساسه غلا انسان مفقود
لا الليل في بعده مثل ليل في يديه
ان غاب يسري بي لشارع ( اجوار رود )

تعال يا اصدق حب شعرته واعآنيه
لا تبخل بشوفك علي وانت موجود
لك يا حبيبي ، تمّ و آمر و لبّيه !
مارد لك حاجه ، و ايامنا شهود

تعآل ياغلى من شغلني في طاريه
تعآل وشوف بغيبتك ، كلّي قيود !
وساع العيون اللي تصيبه ، ما تخطيه
ساقتني اغرم في هوى ليّن العود

لو كان م اقوى غيبته عند اهاليه
هو لي اهل واصحاب وبيوت وعدود
اهواه واسرح به واحبّه واداريه
ما الله كتب لي فيه والوقت محدود

يطري علي شطر لخلف واجتمع فيه
ليلٍ جمعني به عسى ليت ويعود