كلمات شيلة سبيل المحبة محسن ال مطارد 2022

كلمات شيلة سبيل المحبة محسن ال مطارد

كلمات الاغنية:

يرزم الرعد وبروقه تنير الغداري
ويكشف الصدر عن ما يكتمه فالسريرة

قدم عيني من الذكرى القديمة تجاري
دربي اللي مسكته ناويٍ يمّ ديرة

في يمينه ربيع وفي يساره براري
بين هذي وهذي مجرياتٍ مثيرة

يا سبيل المحبة خابرك نهر جاري
شحّت فياضك العذبة وصارت مريرة

يقصر الشوف ولاّ كان شفت الحذاري
من غرام الوليف اللي جروحه خطيرة

في جماله لا بالله ما لقى له مباري
يجذب العاقل اللي مستنير البصيرة

فيه من طلّة البدر المكمَّل مواري
وكاسبٍ من ظلام الليل لون الظفيرة

كم عنينا لقربه والفراق اضطراري
اشعل البعد نارٍ في ضلوعي سعيره

انت يامن سرقت البال والليل ساري
اصبح الحال يمضي فوق نفس الوتيرة

يكفخ القلب لا جالك مع الناس طاري
واتظاهر يا ذاك انّي فموضوع غيره

جعل يسقى وصالٍ غيّبته الذوراري
يوم عهدك قريّب والرسايل قصيرة.

معلومات:

كلمات : بندر الروقي
أداء والحان: محسن ال مطارد.

عرضنا لكم كلمات شيلة سبيل المحبة محسن ال مطارد.