lyrics كلمات اغنية سمعت اشياء – رولان

سمعت أشياء تضايقني ، سمعت انك هجرت الدار
ومن للدار أحد غيرك ومن في الغربة يسليك

تركت الكل وماتدري وش اللي في غيابك صار
ملل في الزاوية هذي وألم ف الزاوية هذيك

دخلت لغرفتك ظلمة ويملا كل مكان غبار
نفضت الغبرة وشوقي مجلسني على كرسيك

ذكرت ايامنا الحلوة .. ذكرت ايام حنا صغار
تجي ويفز لك قلبي ، بدون شعور اضم ايديك

و تهنا سنين مابين الغياب وزحمة الأقدار
ولا لحظة تمر الا على بالي تجي ، وابكيك

تعبت من الجفا والشوق فيني تايه ومحتار
ومرت بعدك الأيام في حيرة وأنا مدريك

تعال وطمن احلامي ، لأني ماعرفت اختار
قضيت سنين بغيابك قضى عمري وانا أناديك

أمل فيني ويسكن بي ، تجيني وتخذل الأعذار
وثاني شيء ترجعلي حياتي وأتهنى فيك