كلمات مهرجان يا غالي هتفضل غالي

نستعرض معكم ونقدم لكم كلمات مهرجان يا غالي هتفضل غالي من غناء علي سماره و حوده بندق و حسن عدويه حيث تم طرح المهرجان عبر قناة Hotline Music Production الرسمية على اليوتيوب

كلمات مهرجان يا غالي هتفضل غالي :

أيام .. بتفوت وعمري يروح يا دنيا آلام
انا مين قولولي انا فين بشوف أحلام
تخطفني بنظرة تدوبني وسلام
وأستنى يومياتي اعيش بشوف أوهام
تاني راح ونساني سابني ليلاتي لوحدي بعاني
عد نجوم الليل خلاني .. قطر العمر يروح ويفوت
على ايه بقا كانت غيرة ولوعة ودمعة وليلة طويلة
لما اتقالت كلمة جميلة .. قلت خلاص دي فداها أموت
اه يا دنيا تملي بتيجي .. وبتعوضي عن حزن ماليكي
يظهر ليا اللي يقويني .. ويخليني ف حيطة أفوت
دنا قبلك كنت بلالي .. دايما عايش مشغول بالي
وانا بستغرب أي تسالي .. معرفش اني هكون مبسوط
دا اليل .. بيشوفها قلبه يعيش وبيكمل
ويقول يا حزن مفيش ويجلجل
دايما علشانها ف دنيته بيجمل
كل الاحزان يمحيها .. ويدلل
ياغالي هتفضل غالي مهما تعدي سنين وليالي
منساش أن انت اللي لقاني .. لما بقيت في حياتي بتوه
تضحك دنيتي تحلالي لو تسرح ينشغل بالي
وأفضل أسهر بالليالي .. قلبي ازاي هيكون مبسوط
من غيرك صعبة حياتي بسهر انا مبنامش ليلاتي
عايش بحزن كل حياتي من غيرك الفرحة تغيب
وبقيت مفتون بجمالك عودك ، عقلك ، حتى عنادك
وعد هحققلك أحلامك ارجعي ليه تسيبيني بعيد
دا اليل .. بيشوفها قلبه يعيش وبيكمل
ويقول يا حزن مفيش ويجلجل
دايما علشانها ف دنيته بيجمل
كل الاحزان يمحيها .. ويدلل
ياعيون كنتي بتتداري .. ولمعة تجيبلي الڤولت العالي
لما بتتدلل تحلالي .. نظرة خجولة بدوب فيها دوب
يا ملاك حليتلي الدنيا .. بتعب لما بتبعدي ثانية
ولا هتعوض غيبتك تانية .. ارجعي دانا في هواكي مغلوب
ياحبيبي تملي حبيبي ليه تبعدي عن عيني تغيبي
بتعب لما ف ايدي تسيبي ودنيتي تصبح بالمقلوب
بسرح في عيونك ليلة كل حياتي بتبقى جميلة
أنا بتفائل فترة طويلة من نظرة في عنيكي السود
دا الليل .. بيشوفها قلبه يعيش ويكمل
ويقول ياحزن مفيش ويجلجل
دايما علشانها ف دنيته بيجمل
كل الاحزان يمحيها .. أوام

معلومات عن المهرجان:

مهرجان ” ياغالي هتفضل غالي ” حسن عدويه و حوده بندق و علي سماره ”
غناء : علي سماره و حوده بندق و حسن عدويه
كلمات : حسن عدويه
توزيع : ابو صابر
الحان : مصطفي وفقي