كلمات أغاني
كلمات مهرجان كوفيد 25 زومبي عصام صاصا الكروان
“كلمات مهرجان كوفيد 25 زومبي عصام صاصا الكروان 2021” مكتوبة كاملة حيث تم طرح الاغنية على قناة خالد لولو Khaled Lolo الرسمية عبر YouTube.
الكلمات:
وبقينا فى زمن اللى معاهم
بيدوسو الناس من عماهم
ممكن ياكلو كمان شقاهم
ما بيستحرموش
حرص دايما من شخصين
جاهل إتعلم كلمتين
ولا جعان جمد قرشين
دول ما بيفهموش
بالأسامى يادوب بكايته
معلمين م الدرجه التالته
والله جايه معاكم فالته
هو دا الموضوع
بعد ما كلو شرب سجايرو
بقا يذكر مصاريف عصايرو
على كباية المياه تعايرو
شبع بعد جوع
انا مش قادر اكمل تانى
نفسيتى منكم تاعبانى
نفسى فى يوم انسا اللى إذانى
وأبدأ من جديد
انا غرقان فى بحور و موانى
انا فى مكان مش هو مكانى
انا محطوط مع ناس عايزانى
امشى على الحديد
كل شقايا رايح لغيرى
نفسى يخش عليا خيرى
ملكى لكن عاملونى ميرى
من اجل الفلوس
انا مش شايف منكو اساتك
دانا على ايدكو راكب تكاتك
فوقى يا نفسى كفايه وحياتك
خمسه من الكابوس
كوفيد ٢٥ زومبى
دا خلاكم تاكلو فى قلبى
غصبآ عنى الطيبه مش ذنبى
دانا قربت اموت
دمى سايب أثر فى لسانكو
قطعتونى تقطيع بسنانكو
ليه دفنتونى بالحياه فى مكانكو
رميتونى فى تابوت
عدا العمر قوام عالفاضى
واتجددلى بحكم الماضى
امتى هتخلى سبيلى ياقاضى
وامسك تانى شارع
ضلمه الدنيا فى عينى و سوده
مترحل من اوضه ل اوضه
فينها الضحكه دى مش موجوده
انا ماليان مواجع
تايه وسط كلاب بيعضو
بدل الكلب اربعه بيرضو
مولد بس مثيرى هفضو
وارتاح م العذاب
طب على ايه بصينلى بعينكو
دانا ممسكتش قرشين منكو
مصلحه دورتوها ما بينكو
وانا شيلت الحساب
صاحبى اللى انا فكرتو اساسى
برضو بيتعامل ملياسى
عمرو ما بدل بيننا كراسى
أصفر من زمان
ندل سايبنى لناس غداره
بس الدنيا اكيد دواره
بقا دلوقتى يجيلى زياره
ويقلب م المكان
عضم دماغى عمال بياكلنى
بضرب كيميا و مياه و بونى
كل ما بنسا الهم يطولنى
مش مفارقنى ثانيه
غصبا عنى كتيره مشاكلى
هو انا مين اتغير شكلى
مبقتش مسيطر على عقلى
مخى فى حته تانيه
قلبى دا عايز مليون صارمه
علشان أمن ل صبى العالمه
حطنى واتبخر بمكالمه
بعد ما مص دمى
ولا التانى تريند الفارده
اللى دبحنى بسكينه بارده
يلا اللعب بدأ يا فراوده
هضرب مش هسمى
