كلمات شيلة فهد بن فصلا | يا محمد

نستعرض معكم ونقدم لكم “كلمات اغنية شيلة فهد بن فصلا | يا محمد 2021” مكتوبة كاملة حيث تم طرح الاغنية على قناة أبويعقوب Abo_y3gop l الرسمية عبر YouTube.

الكلمات:

للدواعي داعي(ن) ما يقلع الا من مطاره
لانعرف توجيه ملاح المدرج واصدر امره

طارت و جنحانها يوم ابرجت تعرف مساره
قالت الوجهه على دار الفلاحي طال عمره

ابلجن تعرف روابي ديرته من نوور داره
كل من شاف النخل من دونها بيذوق تمره

دار من له فالمقام الاول ابداع و حضاره
لو تدور الدايره ما دارت الا تحت شبره

شيخ عز(ن) مد يمناه النديه في قراره
كل من تظلم عليه الارض شاف بنور بدره

مسفهل(ن) بابتسامة وجهه وحسنى جواره
ما تغيّب عن مقام ولا بدى فالشان عذره

حاكم(ن) رسى تقاليد العروبه و اعتباره
ما يضيع المقتدر فالطيبين بطيب قدره

شامخ(ن) لا كبرت حمول الجبال بكل غاره
ما تعداها و ابوه اللي تحداها بنظره

زايد الله يرحمه مامات و محمد شعاره
والله ان الصيت له طيّب يمر الطيب عبره

ودي ان الله قسم بالحظ لي قسم السفاره
لاجل مااغيب مداه ولا يرد الشوف سبره

الشموخ وهيبة الامجاد و العز و مداااره
كلها في ناصية بيته وبيبانه و جدره

الحفاوه والكرم والمدهل الغر و منااااره
مايجمعها الزمان الا على من طاب جبره

يا محمد واكثر الاسماء الشهيره مستعاره
وانت من عرّب مفاهيم الاسامي كل مره

كل ما دقت نواقيس الحمااااايا والنعااااره
قمت في ظهر الاصيل اللي سما بالعز ظهره

شفت بيديك العزوم وشفت بعزومك سطاره
ونظرتك للمستحيله هزت العالم بكبره

يكفي انك خو خليفه درع جنبه و امن داره
للوطن والشعب غيث..وللعدو مقباس جمره

جعل عمرك ياطويل العمر تهنى في عماره
يا سمي اللي نحبه بالوفااااء ونقووم بامره

للفخر في صفحة التاريخ و عروق الاماره
من روابي نجد و طويق الرفيع يرف صقره

جيت من دار الملك سلمان اخو نوره وساره
ضيفكم ياخوان شما من خذا فالقلب صبره

للامارات الحبيبه خير شعب و خير جاره
كل حبن ما يغبيه الزمان ان طال حظره

يستحل القلب شوق و يستحل العين شاره
من يلوم العاشق بشوقن تعشّى جوف صدره