كلمات أغاني
كلمات شيلة عين شيهانه فايز الدوسري
كلمات شيلة عين شيهانه فايز الدوسري
كلمات شيلة عين شيهانه فايز الدوسري، الاغنية من كلمات: عبدالصمد الحليلي، وتم العرض على قناة فايز الدوسري.
مل عين يصبح الصبح سهرانه
تكتم العبرة وفيها ما يكفيها
بينها وبين الحزن ولف وميانه
تحفظه حتى لو انه يبكيها
الكتاب عتاب والهجر عنوانه
خطه اللي كلمته ما يثنيها
شاعر هايم ف حبه وفأحزانه
ترجم أحزانه وركب معانيها
من سبايب عيطموس وفتانه
بالجمال اليوسفي من يضاهيها
عينها لا سلهمت عين شيهانه
حبها محفوظ في قلب مغليها
وخصرها مايل مثل عود ريحانه
الهوى الغربي ليا هب يثنيها
وكن فوق الصدر خوخه ورمانه
غصونها من دمها العذب تسقيها
والشعر يلمع من اطراف حجانه
ياصل اليا نقطة ماقدر اطريها
لي وليف كم تعنيت من شانه
يهدم اسوار المحبه ويبنيها
شب نار الشوق من جور هجرانه
وانتظر لين اغفل ودفني فيها
عقب عذبني رماني ف زنزانه
كنت احسبه يستحي ما يسويها
واثره اللي نيته نية خيانه
يسهج الخطوة ويدفن مواريها
والله ان النفس بالحيل ولهانه
مير انا مدخلك بالله لا تشقيها
لو حكم الشرع ما حرم الحانه
مستعد ادله النفس وأعطيها
المحبه بعدها ذل واهانه
ونارها لا ولعت من يصاليها
قبلي الحجاج ممتد سلطانه
ولا قهره الا المحبه وطاريها
قاضب الدنيا بكفين مليانه
ولا قدر بنت الهوى يقضب يديها
