كلمات شيلة عشت يابوي فهد بن فصلا

كلمات شيلة عشت يابوي فهد بن فصلا

كلمات شيلة عشت يابوي فهد بن فصلا، الاغنية من كلمات الشاعر عبدالرحمن بندر، وتم العرض على قناة يوتيوب أبويعقوب.

وين ابا اروح والميقاف ميقافي
لو دونه حياتي جيت بايعها

دقت الساعه وغنيت محرافي
والبيوت الجزيله ويش يمنعها

ارم يابوي همك عنك اخلافي
كل صعبه لاجل عينك نطوعها

صيتك وسمعتك خلتني سنافي
اقتدي في دروبك زين واتبعها

من حلالك وخيرك لحمة اكتافي
جعلني فدوة رجولك وموضعها

انت ذريتنا في بشتك الضافي
ولو تذري جبال البشت ياسعها

كل ماجيت ديرة قوم خطافي
قالوا ابوك صيته في مرابعها

لا قلط وسط مجلس فيه عرافي
قيمة المجلس اللي جاه يرفعها

موقعه فالصدر ماهو فالاطرافي
والبقيه تروح تشوف موقعها

وان هرج مايجيب الا ذهب صافي
عقب اللي سواليفه يجمعها

كلمته ماتجي وتروح خفافي
كلمته كل خلق الله تسمعها

اعتلى منزله في راس مشرافي
والعرب كلهم تحته يطالعها

ماهو ب كبر هذا قسمه الوافي
والمراجل تبا مثله يسنعها

نفسه امن التواضع دايم توافي
الكبر مايجيها من تواضعها

خايف اطري اسمه ينكسر قافي
اسمه اثقل من ابياتي وانا معها

عشت يابوي ياخيال الاطرافي
عشت ياسيد الاسياد واشجعها

انت ناسبت قوم(ن) تكرم اللافي
الكرامه طبيعه من طبايعها

دارهم فالجنوب وسدهم خافي
من بني شهر منسبها ومرجعها

ياحزامي ماباقي شي ينضافي
غير فرحه من الاعماق مطلعها

فرحتي كيف اوصفها بالاوصافي
يعجز الوصف والابيات اضيعها

الوكاد ان راسي يشعف اشعافي
والصعاطير ماتطفي ولايعها

والله اني حزامك والقدم حافي
لو اذوق المراراه واتجرعها

دامك بخير انا ماحولي اخلافي
اقدر اقوم الدنيا واصارعها