كلمات شيلة صدفه محمد بن غرمان 2022

الزوار الاعزاء نقدم لكم كلمات اغنية صدفه محمد بن غرمان وقد تم صدور الاغنية عبر YouTube على قناة المفارق ALMFARIG الرسمية.

الكلمات:

مصير الحيّ يتلاقى ولو كان اللقى صدفة
لقى يريّح قلوبٍ من شتات البعد .. مذعوره

اكابر ليه ؟ واشواقي قبال الناس منكشفه
عيوني في رسايلها توضّح ما ورى الصورة

هوى شوقي عصفني لك وانا ما اقوى على عصفه
ابي أصرخ ولكن داخلي عبرات محشوره

وصبري كم وقف في صفّ قلبي واحتوى ضعفه
ولا انكر دوره الواضح .. ولو كان انتهى دوره

امانك من فقدته .. ساكنه في روحي الرجفه
رحلت و صارت بيدّ الوهم والخوف مأسوره

هروبي ذكرياتك .. لا تزايد جرحي و نزفه
اروح بعيد واتعدّى زحام الواقع وسوره

عجيب امر الغلا اللي زرعته .. ما لقى حتفه
اشوفه في مكانه ثابتٍ ما طارت طيوره

مشاعرنا بعد طول الجفا حيل مختلفة
طبيعي تختلف .. لكنّ تبقى سنين مذخوره

ورغم الظلم .. بفتح للأمل في داخلي شرفة
واكفّ اذني عن اصواتٍ تجيب الهمّ وتثوره

بعشّم نفسي بشوفك لو يكون اللقى صدفة
ويرجع فيني انسان اخرجه ذا البعد عن طوره