كلمات أغاني
كلمات شيلة حدود يامي ناجي بن باصم
كلمات أغنية شيلة حدود يامي ناجي بن باصم مكتوبة كاملة حيث صدرت الاغنية على قناة صوت يام Naji bin Basem I الرسمية عبر يوتيوب
كلمات شيلة حدود يامي ناجي بن باصم:
يا مدير الفلك مجري الكواكب
ظلك ستار وسلاح ومواكب
يجتلد تحتها رجلي وراكب
اعصب الراس وأحث الركايب
صلب شيخٍ لكز فالحرب خيله
يشعفه صوت منسوع الجديله
الدليله لما ضاع الدليله
دون بيرم ، عدو القوم شايب
شاعرٍ ما يعزه فعل جده
حط راسه على جال المخده
والا انا محزمي مليان عده
آل مطلق ، مقابيس الحرايب
لا مدحت امدح احزامي احزامي
من ضنا جدي وعيل الهشامي
بيرق المجد ، دون حدود يامي
تحذف الروس ، وتهب الهبايب
آل فهاد اهل سلم ومبادي
لا اعتزوا فوق مقرعة التوادي
يخلف المعتدي ضرب العوادي
سعد منهم حزامه ف النوايب
مرحبا عند سعد الضيف عايض
صلب شيخ ثبت والبرق نايض
جود كفه على المحتاج فايض
درع ربعه لما جات المصايب
جده يجمّل وفعله يجمّل
يرتكي للثقيله ويتحمل
عاد كفه من فعوله يهمّل
شرع البيت ، والجوده وهايب
عروته بالملك فيصل جويده
يوم حث الجحافل للحديده
جابر بن مهدي سيفه عضيده
احدبه ، في نحور القوم صايب
لا اعتزا خيّل الضيقا الوعيلي
يرتكي خابت امك يالذليلي
مسرجٍ للفخر هجني وخيلي
باسم عزوة مخلّصت الطلايب
يا محمد على الجمه حبالك
ترفع البيض للي اختار خالك
خالك بن مسلي طاب فالك
ياخذ النعم من خصمه غصايب
يا محمد تخيرت المناسب
والنسب من ذرا المبلي مكاسب
كل رجلٍ على فعله محاسب
طابت افراحكم ، والكيف طايب
من نصا بالنسب روس آل شلّه
خلّف اللي على العليا محلّه
سيف عزً بني عمّه تسلّه
فالمغازي يجري كل هايب
معلومات عن الشيلة:
كلمات: فلاح ال مخلص
اداء: ناجي بن باصم ( صوت يام )
