كلمات أغاني
كلمات اغنية نجم الجنوب اسعد البطحري
كلمات اغنية نجم الجنوب اسعد البطحري مكتوبة كاملة حيث تم طرح الاغنية عبر اليوتيوب على قناة المفارق ALMFARIG الرسمية.
كلمات اغنية نجم الجنوب اسعد البطحري 2021 :
دار الفلك واستاسع الليل
والظل مد جناحه وطال
الى الشمال يسير ويميل
عقب الحراره فارش ظلال
طاب الهوا حزات لمجيل
راح المقيظ ولامع اللال
شرتا الصفاري نسنس دخيل
والكيف زان وريح البال
طاب الذي في نومه ذهيل
وقته حسب بنجوم وهلال
يانا بشير بطلعة سهيل
عقب الغياب شهور ٍ طوال
يبرق شرا ضو القناديل
نجم الجنوب الزاهر العال
واذن بوقت الخصب والسيل
على البوادي سهل ويبال
يعل الحيا ستة مهاليل
يروي ثرى لبلاد باكمال
البر يخضر والمحاصيل
بأنواعها منها الغصن مال
تسمن به الهزلا مع الحيل
ويتم عشبه حي لو حال
وسمي وشدوا له مراحيل
صوبه انيعوا بالذود رحال
موروث جيل ٍ من بعد جيل
على هجن ريفات وعدال
شاموا ولاحاتوا معاضيل
طاب الزمان وطيَّب الفال
ثم انزلوا بيوت ٍ واضاليل
من الشَعر بانواع واشكال
وامست بها حلو التعاليل
ومن القصيد قصار وطوال
والبن داير والمعاميل
لمكمله بزهاب ودلال
وأهل القنص قاموا مناقيل
بطيورهم على حسن حال
قدامهم شيخ الرجاجيل
بوخالد اللي مثله قلال
القايد الفارس الحلحيل
به المعالي تضرب أمثال
راعي الهجن والطير والخيل
فيه الهزاير عرض وطوال
ذخر الوطن واهله عن الميل
من ذا الزمان وكل عيّال
