كلمات اغنية مهرجان الصدمة اورتيجا وعمار 2021

“كلمات اغنيه مهرجان الصدمة اورتيجا وعمار 2021” مكتوبة كاملة حيث تم طرح الاغنية على قناة ORTEGA الرسمية عبر YouTube.

الكلمات:

في اقرب ناس انا اتخضيت
وخدت فيهم الصدمة
رغم اني ماشي جمب الحيط
كله معندهوش رحمة
معنديش ايد بتوجعني علشان تمسكوني منه

. فضيقتي الكل ودعني
صحابي حالف لغربلها
وياويلي من ال عامل صاحبي
ولما احتجته ماشوفتوش
.فوجعي قالي أن هو جمبي
يادوب بصيت مالقتهوش
سكوتي عليك لا خوف ولا ضعف

لأني باقي علي العشره
.فدور الغدر كان فالصف واقف بيبصم بالعشره
مالكش مكان بين السالكين
رجولتك عالحريم رايحة .. خلاص خلينا بقا ساكتين
كل حاجه بقت واضحة
بشوف منك وبستعجب قادر إزاى تعيش شرير

من الوشوش بتتالم
لساني عاجز عن التعبير
سيبوني لوحدي أنا مبسوط
هكون احسن وهتعايش
فى دنيا الضحكه فيها بشروط
وتتر الفرح بقا بايش

تعبت ودمي بقا بيفور
جايب جاز الله الغالب
محدش جوا منه بيور
ليه كل الناس بقوا تعالب
يارب أنا بالي مش مرتاح
. فلو عاصي اديني اشاره
عن ال عملته كله سماح
دا غضبك أكبر خسارة

كل إبن آدم خطاء
وأنا مش حمل عقابك
دا فالسراء والضراء
تملي راضي بقضائك
ياما اتمنيت يعدي الوقت
علشان انسي ال وجعوني
لكن عمري اتسرق واهو فات

لسه الدمع فعيوني
يارب عني إديني الصبر
بحكمك والله أنا راضي
أكمل يمكن ارسي لبر
. ولا بعافر عالفاضي
واه من اخ ضحي باخوه

علشان ورث وعلشان تركة
شياطين عقله دول سحلووه
وقال هينفذ الفكرة
عملها علشان بطبعه عنيد
وبالفلوس فتح شركة ..
لكنه مالوش سند ووحيد
وبكرا هيفهم العبرة