كلمات اغنية على طاري الغلا يارا

اغنية على طاري الغلا من كلمات السحاب وألحان اسامة العطار : –

كلمات اغنية على طاري الغلا
أحبك والعشق في عيوني الثنتين
يبين قبل ما يبين على لساني

أحبك لين لا والله ما لحبك لين
على مد البصر في حسبة أعياني

لأنك أكبر من العد والتخمين
مثل عمر العمر ما للعمر ثاني

هذاك اللي غلاه ما يخضع لتثمين
يفوق التبر ولا ينقاس بأوزاني

يا أغلى من سكن بين الهدب والعين
ولعب في حسبة أفراحي وأحزاني

معاك أربع سنين ولأجلك تهون سنين
عساها طول ما الله فيك أحياني

أحبك والعشق في عيوني الثنتين
يبين قبل ما يبين على لساني

أحبك لين لا والله ما لحبك لين
على مد البصر في حسبة أعياني

سألتك بالذي أبدع بك التكوين
ومكن حبك بين العروق وشرياني

يا كيف أخفي أنا حبك وغلاك يبين
وكل من يلمح عيوني بيقراني

واسمك لا إنذكر في كل حال وحين
أشوفك في الوجوه وبين الأغاني

وأشوفك من ذهب وأشوف غيرك طين
بهم غربة مهاجر وانت أوطاني

على طاري الغلا قلت نعم غاليين
هذاك اللي فدا عمره عشاني

عسى مد الدهر نبقى هوى قلبين
ونهدي للعمر حب من دون نقصان