كلمات اغنية انا دولة علي غزلان ومروة ناجي

في هذه المقالة الجديدة سوف نقدم لكم كلمات اغنية انا دولة علي غزلان و مروة ناجي علماً أنه تم طرح الاغنيه عبر قناة Ali Ghozlan على اليوتيوب.

كلمات اغنية: انا دولة علي غزلان ومروة ناجي:

في البداية كل حاجة كانت مجرد اشتباه
بنت أرجل من الرجولة بتشقى جامد في الحياة
رايحة جاية وجاية رايحة مفيش ولا حاجة تهزها
بنت جدعة بتشتغل عشان تساعد أهلها
ترس داير في الحياة من البيت للجامعة لشغلها
فريدة تالتة حقوق، وفاطمة أولى صيدلة
أختين جدعين بيشقوا على لقمة عيش حلال
على الحال ده كل يوم شايلين هموم جبال
والحياة دي متعبة بنلف جوا منها
الكل في ساقية داير ولا حد ارتاحلها
بعد يوم طويل ممل من المشاكل والتعب
ابتدا فصل الحكاية والمضايقة والغضب
وسط الشوارع والطرق وازدحام بين الوشوش
كلام وبص وتعبيرات تضايق وقتها
كل نظرة واحدة منهم كانت بتجرح جسمها
هو شخص مريض بطبعه وعقله جاهل مش سوي
هي أقوى بإيمانها وبثقتها بنفسها
مش بميكب أو بمظهر أو بشكل لبسها
هو فاهم إنه صح وإن دي الرجولة
هي أقوى بكيانها وقوية بطبعها
مش وسيلة ومش غرض هي ملكة نفسها
مش سلعة للتحرش هي ملكة في أرضها
وقفت قدام الجبان عشان بتحمي أرضها
أنا قلبي مرفرف جناحاته
أنا كل معاني الحرية
مخلوقة أنا أصلا من آدم
وأتعامل بس بحنية
أنا سورة اتذكرت في قرآن
أنا أمك أختك أو بنتك
أنا دم ولحم شعور إنسان
مش هسمح حد يهين فيا
المرض مش عيب عشان فيه نفوس مريضة بطبعها
إزاي تلوم عليها تجيب العيب في لبسها
عيونك طالعة نازلة من فوقها لتحتها
بتفصص كل حاجة وكل حتة في جسمها
ماتجبش اللوم عليها وتقولي أصل هي
اللوم على اللي ربي وعلى النخوة والتربية
الواجب والرجولة إنك تكون دايمًا حاميها
وتدافع عن حقوقها وعن كيانها وعرضها
الجهل عنكبوت ومعشش في العقول
والكل مغمي عينه، ومركب وش غول
ليه بنحكم بالمظاهر والظواهر والسمع
ليه واحدة بنت ناس تكون ضحية مجتمع
مرت سنين وعدت وفريدة اتغيرت
بقت محامية شاطرة وليها اسمها
ويوم عن يوم بتكبر وبتعلى بنفسها
بقى ليها كيان كبير وقيمة في مجتمع
بقى ليها صوت ورأي وكلامها بيتسمع
وفي يوم ملوش ملامح بتتعاد الرواية
فاطمة بتدرس في جامعة كليك صيدلة
نفس الجريمة كاملة بنفس شرحها
يا بطل ياللي ماشي ايه يا بت ايه الكلام
ما تقولي حتى رقمك أو ردي السلام
يلا افتحيلنا سكة أو افتحيلنا باب
حرام كل الجمال ده يستخبى في الحجاب
واتقلبت القضية لقضية رأي عام
فاطمة اختارت المواجهة مسابتش حقها
كملت القضية ووكلت أختها تدافع عنها
عن حق كل بنت بتصرخ وصوتها بينتفض
الكل كان معاها واقفين ضهر وسند
الكل كان فخور وقام سقفلها
وخلصت المرافعة وانتصرت في النهاية
وهو نال جزاءه وخلصت الحكاية
أنا دولة باقية مهما يكون
وليا حدود وليا قانون
أنا قادرة أدافع عن حقي
وأغير كل شيء في الكون
أنا المعنى وتكوينه
أنا العالم وتأمينه
أنا ليا وضعي ومكانتي
ودوري في الحياة مضمون