كلمات شيلة النرد عمر بن عضيب

كلمات شيلة النرد عمر بن عضيب

يلثم ثغرها الكوب وتفكك الطرد
وحنا بحضرة حسنها اللي به تجود
ضحكت ونبت بخدها دامي الورد
وهب الصبا ونقض من جعودها جعود
كل الخلايق في رجا عيونها الشرد
وغرق في بحر عيونها كل موجود
تشهر هنادي زينها حدة ن جرد

يسطي بها غي ن على لين العود
قامت تصدر في معاليقنا وترد
وترسل كتايب حسنها رتل وجنود
وحنا سكوت ن و الحناجر لها زرد
ولجل عبير أنفاسها هدت النود
ما كننا الا نلعب لودها النرد
ولا على باله طرى سيد الخود
وانا غدى جوفي كنه داخله برد
وكل الملا اللي حولي بصدري قعود

اكافح وجيه الخلايق وانا فرد
وأدور لعينى لقى نجلها السود
وهي على سياج الصبر تبرده برد
ما ذخرت لهد الصبر فيني جهود
قامت وحكيي واقف ن لجلها سرد
ويوم أقبلت صوبي توثق به قيود
قربت وأنا مثل الذي صايبه ورد
وعدت بلحظ يبرق وصدري رعود
عيني وغيري وجادله نطرده طرد
حتى تلاشت لا مواعيد ووعود

النرد عمر بن عضيب

كلمات : عبدالعزيز بن خالد بن عضيب
ألحان : يوسف الشهري
العرض الاول على قناة : عمر بن عضيب