كلمات اغنية كافي ظلم سعد العطار

أغنية كافي ظلم سعد العطار من كلمات الشاعر جبار المياحي وألحان علي عوده فاضل، نقدم لكم كلمات أغنية كافي ظلم على مجلة المتكتك

كلمات اغنية كافي ظلم
كافي ظلم كافي ظلم
مو وصلت الحد العظم
جبتلونه بس الحرب
ما شفنه من عدكم سلم
وكلمن حلم عنده وطن
موتو بعيونه الحلم

كافي ظلم كافي ظلم
هذا وطنكم نعتذر
حسبالنه عدنه وطن
انباگ من عدنه غفل
من غمض اعيونه الزمن
واحنه التهينه للاسف
بس بالبچي وكثر اللطم

احنه شعب احنه شعب
شاف بزمنكم العجب
جبانكم احنه من العدم
ما نعرفلكم اي نسب
وضيعتو من عدنه وطن
والمشكلة احنه السبب

احنه شعب احنه شعب
صدگنه بيكم والثمن
روس الشوارع بس صور
شبان احلى من الورد
والوطن من شمهم خسر
ما عدكم انتم اي مهم
المهم بس كرسي الحكم
كافي ظلم كافي ظلم

هذا وعد هذا وعد
ايامكم ظلت عدد
مهلة انطيناكم گبل
ما ننطي أي مهلة بعد
اسنين صار وما رجع
مخطوف من عدنا بلد

بساحة التحرير الاجو
صبيه بربهم أمنوا
ذوله فعل مو بس حچي
جربوهم انتم لو حچوا
البراسه معبد او صنم
حلفو بديهم ينهدم

كافي ظلم كافي ظلم
مو وصلت الحد العظم
جبتلونه بس الحرب
ما شفنه من عدكم سلم
وكلمن حلم عنده وطن
موتو بعيونه الحلم